LAOAG CITY – Inaprubaranen ti Sangguniang Panglungsod ditoy siudad ti Laoag iti maikatlo ken maudi a pannakaibasa ti ordinansa a mangipangato ti plete iti tricycle.
Daytoy ket manipod iti 15 a pisos a dati a regular a plete ken mapagbalin a 20 a pisos.
Mainaig iti daytoy, maipaay ti 20% a diskwento kadagiti senior citizen, estudyante ken persons with disability idinto a 10 a pisos ti plete dagiti agtawen ti 5-12 laketdi dua wenno ad-ado ti bilang dagiti aglugan a pasahero ken nu maysa laeng ket agplete ti 15 a pisos.
Kabayatanna, kuna ni Perera a saan a maiyimplimentar ti baro a plete agingga nga awan ti maipaskil wenno maibunong a fare guide kadagiti tricycle.
Inbatad na a posible nga umabot iti tallao a bulan sakbay a maipatungpal ti nasao nga ordinansa.
Maipalagip nga immunan a kiniddaw dagiti tricycle drivers ditoy siudad ti Laoag ti pannakanayun ti plete gapu iti agtultuloy a panagngato ti presyo ti gasolina.
