LAOAG CITY – Nairekord sipod idi Disiembre 29, 2024 agingga iti Abril 26, 2025 nga addan ti 212 a kumpirmado a kaso ti yellow fever pakairamanan ti 85 a pannakatay basar iti World Health Organization.
Agpapada dagitoy a naggapu kadagiti lima a pagilian idiay American Region.
Ti bilang dagiti kaso ita a 2025 ket mamitlo a daras a nangatngato maidasig iti 61 a kumpirmado a kaso idi 2024 a mangipakpakita ti napaspas a panagngato ti impeksion.
Supsuportaran ti World Health Organization dagiti naapektaran a pagilian iti pannakaipatungpal kadagiti addang kas ti ad-adda a pannakapaiget a panagbantay, panangkita kadagiti kaso ken panagbakuna.
Ti agdama a situasion ket gapu iti panagngato ti sylvatic transmission, nababa a sakupen ti panagbakuna ken limitado a suplay ti bakuna a mangikabil iti rehion iti nangato a peggad.
Inpetteng ti World Health Organization ti kinapateg ti aktibo a panagbantay, napaspas a panangtingiting iti laboratorio, koordinasion iti nagbaetan kadagiti pagilian ken panangpalawa ti sakupen ti panagbakuna tapno maliklikan ti panagwaras ti sakit.
