LAOAG CITY – Mamati ni Deputy Majority Leader ken Iloilo Rep. Janette Garin a masapol nga usarenen ti oversight power ti kamara de representantes tapno pagsungbaten dagiti opisyal ti gobierno a responsable iti panagrigrigat iti biag dagiti Pilipino.
Inaramid daytoy ni Garin iti panagdengngeg ti Murang Pagkain Super Committee.
Segun ken ni Garin, arigna agpapada laeng ti sungbat dagiti maim-imbitaran a resource speakers ken agpapan ita ket awan paylaeng ti solusyon kangrunaan na dagiti mapaspasaran a panagngato ti presyo ti bagas, dagiti kangrunaan a magatgatang, kuryente ken dadduma pay.
Immuna iti daytoym naiyuswat ti panagdengngeg ti Quinta Committee iti panangidaulo ni Rep. Joey Salceda tapno trataren dagiti isyu ti smuggling, hoarding ken panagngato ti presyo ti bagas ken taraon.
Gagem ti panagdengngeg a mangbukel ti linteg a mangpapigsa iti food security ti pagilyan.
