LAOAG CITY – Naiget a pagan-annaden ti Overseas Workers Welfare Administration (OWWA) dagiti Pilipino a mangmangged idiay Middle East iti baet ti agtultuloy a tension iti agdama.
Iti maysa a rakurak, pinalagipan ti Overseas Workers Welfare Administration dagiti Overseas Filipino Workers (OFWs) a suruoten ti abiso ti Philippine Embassy ken lokal nga otoridad mainaig iti agdama a situasion.
Agtultuloy ti koordinasionda kadagiti Migrant Workers Office ken Embahada tapno masigurado ti kinatalged dagiti Pilipino idiay Middle East.
Nabalakadan dagiti Pilipino iti lugar nga imonitor dagiti opisial nga anunsio ti Philippine Embassy ken verified accounts ti host government, ammoen dagiti kaasitgan a shelter ken agbalin a naridam iti aniaman nga emergency alert.
Naballaagan dagiti Pilipino a saan pay laeng nga agturturong kadagiti lugar a napeggad ken nagutigot a makikoordinarda kadagiti hotline ti Embahada, Migrant Workers Office ken Overseas Workers Welfare Administration para iti alisto a tulong no kasapulan.
Inabisoan dagiti Embahada ti Pilipinas idiay Riyadh, Saudi Arabia; Abu Dhabi ken Philippine Consulate General iti Dubai and Northern Emirates dagiti Pilipino nga agbalin a kalmado ken dumngeg laeng kadagiti opisial nga abiso.
