Umabot ti P15.7 milion a gatad ti agricultural machinery ken equipment ti inbunong ni Presidente Ferdinand Marcos Jr. kadagiti 30 nga organisasion a benepisiario ti agrarian reform iti siudad ti Diplog a naangay iti Zamboanga del Norte Convention Center.
Kaduana ni Presidente Marcos Jr. ti Department of Agrarian Reform (DAR) Secretary Conrado Estrella III iti pannakaibuning ti makinaria kadagiti mannalon kas addang ti pannakapapigsa ti produktibidad ti agrikultura kadagiti komunidad iti away.
Segun iti Department of Agrarian Reform, naiggiddan met ti pannakaipaay ti 7,214 nga ektaria a daga ti agricultural kadagiti 4,456 nga agrarian reform beneficiaries (ARBs) no sadinno a mangipasimudaag iti dedikasion ti gobierno a mangpabileg kadagiti mannalon ken mangpapigsa iti seguridad ti taraon iti pagilian.
Kabayatann, karaman kadagiti naipaay a makinaria ken alikamen ket dagiti nagdumaduma a nasken a makinaria, pakairamanan dagiti traktora, rice thresher, mudboat, rice mills, floating tiller, water pump, corn sheller, water tank water, egg-laying machine, motorsiklo, harvester, backpack sprayer, ken shredder machine.
