Nangilatang ti gobierno ti P186 milyon a gatad ti scholarship para kadagiti napanglaw a kayatna ti agbalin a doctor.
Segun ken ni House Minority Leader ken 4Ps party-list Rep. Marcelino Libanan, adda nailatag a P186 milyon ti Kongreso para iti Medical Scholarship and Return Service Program kadagiti State Universities and Colleges (SUC) iti babaen iti 2026 General Appropriations Act.
Innayon ni Libanan, a ti Doctor of Medicine scholarship program ket maipaay iti 25 nga Universities and Colleges (SUC) iti pagilian.
Daytoy a programa ket para kadagiti kuwalipikado nga estudiante a kalikagumda ti agbalin a doctor kasukat ti panagserbina iti pagilian inton makaturpos.
