LAOAG CITY – Inlungalong ni Sen. Loren Legarda ti maysa a gakat a gagem nga ipangato ti minimum a sueldo dagiti mangmangged kadagiti pribado a sektor.
Iti Senate Bill No. 1856 ni Legarda, kalikagum a manayonan ti P200 ti minimum a sueldo iti kada aldaw para kadagiti mangmangged.
Maobligar daytoy para kadagiti amin a mangmangged ti aniaman nga employment status, regular, contractual wenno sub-contractual ken adda iti agricultural wenno non-agricultural sectors.
Mamati ni Legarda a ti panangipangato ti sueldo dagiti mangmangged ket manamnama a mangitunda ti panagdur-as ti economic activity gapu ta sigurado met a mausar ti nayon a sueldo iti panaggatang kadagiti kangrunaan a produkto ken serbisio.
Inlawlawagna nga iti agdama ket kurang ti minimum wage tapno masupusupan dagiti mangmangged ti kasapulan ti pamiliada.
Iti agdama, umabot iti P411 agingga iti P695 ti minimum wage para iti non-agricultural workers ken P366 agingga iti P658 met para iti agricultural workers.
