LAOAG CITY – Manamnama a makailakon ti P29 iti kada kilo ti bagas ti Kadiwa Store ti National Irrigation Administration inton Agosto.
Inbatad ni National Irrigation Administration Administrator Eduardo Guillen a dakkel ti proyektoda a contract farming no sadino nga addaan ti 100 a milyon a kilo ti namnamaen a mairuar inton Agosto.
Idinto ti target met ti Department of Agriculture a makailako ti P29 iti kada kilo ti bagas gapu ta addaan ti sumangpet a suplayda inton Hulio.
Iti agdama ket mailaklako ti P20 iti kada kilo ti bagas kadagiti Kadiwa Store iti National Irrigation Administration gapu iti inisyatibo dagiti irrigators association kas panagyamanda ket adu ti maaw-awatda nga ayuda manipod iti gobierno.
Sinaludsod met ni Guillen dagiti mannalon no saanda a lugi ket ti sungbat dagitoy ket saan gapu ta ti balor ti inbred no agmulada ket 30 ribu a pisos ken ti yield ket lima ribu a pisos.
Gapu iti daytoy, no usarenda ti 63% formula ti National Food Authority ket dumanon iti 3,150 ken no i-divide daytoy iti 30 ribu a pisos ket dumanon iti 10 a porsiento laeng ti production cost ti bagas ken uray doblien pay daytoy ket adda latta ti birok dagiti mannalon a 100 a porsiento.
