Inpakammo ti Department of Finance (DOF) a dimmanon iti agarop P40 billion a dividends ti nakolektar manipud kadagiti government-owned or-controlled corporations (GOCCs) manipud Enero agingga Abril 24 ita a tawen.
Segun iti Department of Finance,nangatngato ti dividend collections iti nadakamat a panawen ngem iti P8 billion a nairekord iti isu met laeng a period idi 2023.
Iti babaen ti Republic Act 7656 wenno Dividends Law of 1994, amin a government-owned or-controlled corporations ket masapul a mangideklara ken mangipatulod ti 50% ti tinawen a net income-da iti gobierno.
Inpangato ni Finance Secretary Ralph Recto ti divided rate remittance dagiti GOCC manipud iti net earnings-da para iti 2023 manipud iti minimum a 50 a porsiento agingga iti 75 a porsiento a nakaiyataday iti Republic Act 7656.
Innayon na a ti panagato ket paset ti addang ti Department of Finance tapno makaala ti ad-adu a pondo para kadagiti imprastruktura ken socio-development projects ti administrasion ni Marcos.
