LAOAG CITY – Inkari ni Presidente Ferdinand “Bongbong” Marcos Jr. ti ad-adda pay a pannakapapigs ti healthcare system iti pagilian.
Daytoy ket kalpasan a nairakurak a nangilatang ti gobierno ti P549 bilyon a pondo para iti naur-urnus a pasilidad, kagamitan, ken health professionals, kangrunaan na dagiti lugar a nakurang ti serbisyo medikal.
Segun iti presidente, nasurok a P427 bilyon ti nailatang para iti Department of Health ken Philippine Health Insurance Corporation wenno PhilHealth, nasurok a P13 bilyon para iti specialty hospitals, agarop P9 bilyon para iti ospital ti Department of National Defense ken Philippine National Police, ken P98 bilyon para iti health programs dagiti Local Government Units.
Agarop P1 bilyon met ti nailatang para kadagiti medical scholarships, ken P1.4 bilyon para iti medical assistance ken zero balance billing iti Philippine General Hospital.
Nangipaay met ti presidente ti P15 milyon para iti Baseco Hospital ken bimmisita iti Ospital ng Maynila Medical Center (OMMC), a nakairekord ti kangatoan a bilang ti benepisyaryo iti PhilHealth’s Yaman ng Kalusugan Program (YAKAP).
Inrakurak ni Presidente Marcos a silulukat daytoy a serbisyo para iti amin, kangrunaan na dagiti agkasapulan.
