LAOAG CITY – Naipasan iti Senado iti maikadwa a pannakaibasa ti nailungalong a P6.793 trillion national budget para iti 2026.
Kalpasan ti napaot nga interpellation ni Senate Minority Leader Alan Peter Cayetano ket naan-anay a naipasa iti maikadwa a pannakaibasa ti General Appropriations Bill (GAB).
Target ti Senado a maipasa ti budget iti maikatlo ken maudi a pannakaibasa na intono Disyembre 9 ken kalpasan iti daytoy ket isayangkat ti bicameral deliberation iti sumaruno a lawas.
Maipalagip a naaddaan ti pannakaamendar ti sumagmamano a paset ti national budget kas ti panagkissay iti Foreign Assisted Projects, nanayunan ti National Disaster Risk Reduction and Management Fund ken ti pannakaisubli ti 4Ps Program iti National Expenditure Program (NEP) level iti balor nga P11.17-bilyon.
