LAOAG CITY – Agbayad ti Philippine Health Insurance Corporation (PhilHealth) ti P8.8 bilyon a balor ti claims a nagkedkedan gapu iti late filing a limmabes iti 60-day period, segun ken ni Dr. Israel Francis Pargas, pannakangiwat ti PhilHealth.
Sakupen daytoy a pagannurotan ti claims manipud idi Enero 1, 2018 agingga iti Disiembre 31, 2024.
Rinugian ti Philippine Health Insurance Corporation ti electronic claims filing idi 2018 no sadinno nga otomatiko a pagkedkedan ti late submission.
Karaman iti baro a pagalagadan dagiti claims nga adda iti PhilHealth pay, dagiti naisubli ngem saan pay a naire-file, ken dagiti na-ri-file dagiti ospital.
Inbatad ni Philippine Health Insurance Corporation President ken CEO Dr. Edwin Mercado, 30% agingga iti 40% ti nagkedkedanda a claims ket gapu iti late filing idinto nga agtultuloy iti panangtingiting iti nabatbati nga 60%.
