LAOAG CITY – Kinumpirmaran ni Anti-Money Laundering Council Secretariat Executive Director Ronel Buenaventura iti impeachment trial nga adda ti dua a bank transaction ni Vice President Sara Duterte iti maysa a bangko.
Segun ken ni Buenaventura, inrekord daytoy ti bangko iti Anti-Money Laundering Council (AMLC) kas covered transaction report (CTRs) a kas maiyannatop iti linteg.
Inbinsa-binsa ni Buenaventura dagiti detalye kabayatan ti panagsaludsod ni private prosecutor Atty. Mae Divinagracia, a nangidasar kadagiti covered transaction report (CTRs) nga adda pakainaiganna ken ni Duterte a pakairamanan dagiti transaksion sakbay a nagtugaw kas bise presidente.
Ti covered transaction report (CTRs) ket dagiti transaksion ti maysa nga indibidual nga adda sumurok P500,000 a kasapulan nga idejlarar kadagiti bangko iti Anti-Money Laundering Council (AMLC).
Basar iti Anti-Money Laundering Council (AMLC), nag- rekord ti Bank of the Philippine Islands (BPI) ti debit memo a sumurok P9.7M idi Marso 9, 2011 manipud iti account a nakainagan ken ni Duterte ken iti amana a ni dati a presidente Rodrigo Duterte.
Pakairamanan daytoy iti maysa pay a sumurok P9.1M nga over-the-counter cash withdrawal manipud iti accoud-da Duterte ken ti amana nga in-rekord pay ti Bank of the Philippine Islands (BPI) idi Abril 8, 2013.
