LAOAG CITY – Nakasaganan ti maminsan manen a panagsango da Filipino boxing champion Manny Pacquiao ken ni Floyd Mayweather Jr.
Maisayangkat daytoy iti Sphere idiay Las Vegassa inton Setiembre 19.
Daytoy ti maminsan manen a panagsango ti dua kalpasan ti immuna a labanda idi 2015.
Maipalagip nga inrakurak ti agtawen ti 48 a ni Mayweather ti maminsan manen a pannakilabanna.
Inbatad ni Pacquiao a maysa a nagtalinaed a kadakkelan a laban iti pakasaritaan ti panagsangoda isut gapuna a naruay dagiti mangpadpadaanan ti labanda.
Maibilang a kadakkelan a birok ti laban ti dua idi nga addaan ti $600 milyon a revenue.
Maipalagip nga idi 2017 idi inanunsio ni Mayweather ti panagretirona kalpasan a nagun-od ti nadalus a 50 a panangabak ken awan pay ti abakna.
Nupay kasta, limmaban pay daytoy kadagiti sumagmamano nga exhibition fight idinto a ni Pacquiao ket naminsan manen a limmaban iti napalabas a tawen kontra ken ni Mario Barrios idiay Las Vegas.
