LAOAG CITY – Kalikagum ti Department of Public Works and Highways First Engineering District ti pannakaiwayat ti dredging iti Padsan River ken dadduma pay a dalan ti danum ditoy probinsya.
Segun kenni Engr. Eduard Acosta, assistant district engineer, iti DPWH First Engineering District, kinataripnong da dagiti maseknan a barangay iti DPWH tapno maipatungpal daytoy nga insegida.
Inbatad na nga agbayad dagiti quarry operators ti pannakakutkot ti padsan river iti probinsya.
Kuna ni Acosta nga adda dagiti paset ti karayan a makutkotan a daytoy ket maamuan da manipud iti gobyerno probinsyal.
Inbunannag na a maysa a tawen laeng iti inprograma ni Gov. Matthew Marcos Manotoc ti pannakakutkot ti padsan river ken tapno makita no makatulong daytoy iti problema ti pannakalayus ditoy siudad ti Laoag.
