LAOAG CITY – Naminpinsan a nauram ti maysa a pagtaengan iti barangay 11 Labut iti ili ti Badoc.
Nabigbig dagiti agtagikua ti pagtaengan a da Melton Digap y Rodriguez kenni Mary Jane Ramos agpada a residente iti nasao a lugar.
Segun ken ni SFO2 Dennis Bacnat , OIC fire marshall iti ili ti Badoc, iti inisyal nga imbestigasyon da pinailot dagiti agasawa ti anak da nga inaudi ken pinanawan da ti malutluto iti pagtaenganda.
Atapen da nga isu ti namunganayan ti uram nu sadino nga alisto a kimmayamkam daytoy gapo naaramid laeng iti light materials ti pagtaengan.
Karaman a nauram dagiti aruaten, appliances ken ti produkto a lasuna dagiti agasawa.
Innayun ni Bacnat a dagus met a nagresponde ti BFP Badoc iti nasao nga insidente.
Nakaawat met ti nasao a pamilya ti sangkabassit a tulong manipud iti Ylocandia Biyaheroes Rider Club kas iti arwaten ken grocery.
