LAOAG CITY – Inpasigurado ti Pakistan nga agibalesda iti inaramid a panangraut ti India.
Nangirubuat ti nalawa a panangraut ti India iti siam a lugar idiay Pakistan ken Kashmir region.
Basar iti Pakistan military, gapu iti insidente ket adda ti tallo nga indibidual ti pimmusay pakairamanan ti maysa nga ubing.
Inbatad met ni Pakistan’s Prime Minister Shehbaz Sharif, daytoy a panangraut ti India ket maibilang a takrot.
Maipalagip nga agpada nga inadmitir ti India ken Pakistan ti Kashmir no sadinno nga iti napalabas a bulan ket pinaltu-paltogan ti rebelde a grupo manipud idiay Pakistan dagiti turista nga India nga adda iti lugar.
