LAOAG CITY – Nangipatungpal ti Pakistan ti strikes iti ciudad ti Kabul idiay Afghanistan kas paset ti ipatpatungpal da a panagatake iti intero a pagilian.
Ti panagatake ti Pakistan iti Kabul ket kalpasan ti pannakatay ti dua a soldado da iti insayangkat nga operasyon ti Taliban.
Immunan nga inrakurak ni Pakistani Prime Minister Shehbaz Sharif nga adda ti naan-anay a kapabilidad da a mangparmek ti aniaman nga aggressive ambitions.
Indeklarar met ni Defence minister Khwaja Asif ti “open war” kontra iti Taliban idiay Afghanistan.
Kabayatanna, inbatad ti pannakangiwat ti Taliban a sumubbot da no rauten da dagitoy ngem inpasigurado na a saan nga isuda ti mangrugi iti riribok wenno gubat.
