LAOAG CITY – Kitkitaen ti Department of Health ti posibilidad a pannakairaman ti palliative care iti benefit packages ti Philippine Health Insurance Corp. (PhilHealth).
Nagpanawagan ni Health Secretary Teodoro Herbosa kadagiti palliative care societies ken dadduma pay nga eksperto a mangipasa ti proposal iti benefits committee ti PhilHealth.
Maipalagip nga inrakurak ti PhilHealth ti pannakaaprobar ti enhanced benefit packages para iti heart attacks, 10 rare diseases, preventive oral health, primary care, peritoneal dialysis ken assistive mobility devices.
Naammoan a ti Palliative care ket karaman kadagiti serbisio iti babaen ti Universal Health Care Act wenno Republic Act No. 11223.
