LAOAG CITY – Nangiwayat ti Russia ti sumurok 300 a drones ken missiles a nagpatpatnag idiay Ukraine a nangitunda ti pannakadadael kadagiti port infrastructure iti abagatan ken nakasugatan ti pito nga indibidual.
Basar iti air force ti Ukraine, nangisayangkat ti Russia ti 324 a drones ken tallo a ballistic missiles no sadinno a nalappedan ti air defence units ti 309 a drones ngem dagiti missiles ken 13 a drones ket na-target-na ti siam a lokasion.
Mainaig iti daytoy, inpakaammo ni regional governor Oleksandr Ganzha babaen ti Telegram messaging app nga adda ti tallo nga indibidual ti nasugatan iti nagpatpatnag a Russian drone attack iti southeastern city ti Dnipro.
Kunana a ti nasao a panangatake ket nangitunda pay ti pannakadadael ti nine-story apartment building ken administrative building.
