LAOAG CITY –Nangiyuswat manen ti Ukraine ti baro a panagatake iti Russia kalpasan a tinarget da dagiti long-ranger drone kadagiti dua a gas facility iti Arctic a sumurok 3,000 ti kaadayona manipud iti order.
Inusar ti Ukrainian Armed Forces dagiti FP-1 drone tapno dadaelen dagiti kritikal a gas processing plant iti Novy Urengoy ken Purovsky.
Inawagan ni Ukrainian President Volodymyr Zelensky nga umno laeng ti naiyuswat a panagatake a mangpakapuy ti energy infrastructure ti Russia.
Ti nagbalin a target iti rehiyon ti Yamalo-Nenets ti kangrunaan a paggapuan ti enerhiya ti Russia gapu ta ditoy a masarakan ti agarup 80 a porsiento ti natural gas production ti pagilian.
