Nagpalagip ni Mr. Cocoy dela Rosaa, district officer iti Land Transportation Office ditoy ciudad ti Laog kadagiti motorista mainaig iti linaon ti Republic act 8749 wenno iti Philippine clean air act of 1999 a naikoordinar ti Department of Environment and Natural Resources.
Segun kenkuana, naiget ti pannakaipawil dagiti behikulo a agdalyasat kadagiti kalsada no nangisit ti asok dagitoy gapu ta makaperdi iti aglawlaw kas naipalaon iti linteg.
Inbatad ti district officer nga adda ti maisaysayangkat nga smoke emission test no sadinno a makita ti lebel ti carbon dioxide nga iruwar wenno i-produce ti maysa a behikulo.
Innayon na a dagiti behikulo a saan a pumasa iti emission test ket maikkan ti failed certificate, no sadinno a mabalin to manen a dumalan ti test agingga a makapasa.
Kabayatanna, nagballaag ni dela Rosa a dagiti behikulo a makitaan ti nangisit nga asok ket mabalin da latta a tiliwen uray adda ti sertipiko a pasado daytoy iti smoke emission testing.
