LAOAG CITY – Naiyuswat ti press conference para ken ni Mary Jane Veloso kalpasan a pinirmaan ni Presidente Ferdinand Marcos Jr. ti absolute pardon-na no sadinno nga inpettengna nga awan ti inaramidna a drug trafficking idiay Indonesia kalpasan a naarestar daytoy idi 2010.
Nabayagen nga ipetpetteng ni Mary Jane a saanna nga ammo nga adda ti illegal a droga iti bagahe a bitbitna apaman a naarestar daytoy.
Maipalagip a ni pay laeng dati a Presidente Benigno Aquino III ti immuna nga immapela para iti saan a pannakaituloy ti dusa a patay ken ni Veloso.
Kabayatanna, kalpasan ti 15 a tawen, nawayawayaanen ni Veloso isut gapuna a mabalinen a makaduana ti pamiliana.
