LAOAG CITY – Nawaya-wayaanen ni Mary Jane Veloso kalpasan a maipaayan ti absolute pardon ni Presidente Ferdinand Marcos Jr.
Emosional a rimuar ni Veloso iti Correctional Institution for Women iti suidad ti Mandaluyong idi rabii, Setiembre 25.
Iggemna ti dokumento ti absolute pardon-na.
Inpadanonna ti panagyamanna ken ni Presidente Marcos kalpasan ti pardon ken naipaayan ti tsansa tapno makasubli iti pamiliana.
Mamati daytoy a saan pay naladaw ti amin isu nga adda pay tsansana nga mabantayan dagiti annakna.
Maipalagip a pinirmaan ni Presidente Marcos ti absolute pardon ni Veloso idi Setiembre 24.
