LAOAG CITY – Inbatad ni Presidente Ferdinand Marcos Jr. a ti alegasion a nakaawat ti pondo manipud iti China ti maysa a kompania nga adda pakainaiganna ken ni Vice President Sara Duterte ket posible a mangitunda ti nasional a pangta iti seguridad iti kangatoan nga lebel no mapaneknekan a pudno.
Iti tengnga ti impeachment trial kontra iti Bise Presidente, kinumpirmaran ti Anti-Money Laundering Council (AMLC) a maysa a kompania nga adda koneksionna ken ni Duterte ken ti asawana a ni Manases Carpio ket nakaawat ti P319 million manipud iti China ken Hong Kong.
Inpaganetget ti Presidente a ti pondo nga aggapu iti China ket kadanagan nga unay a paset ti isyu gapu ta mabalin daytoy nga agbalin a kasi ti nasional a seguridad.
Nupay kasta, namnamaen ni Marcos a mababawi ken mapaneknekan nga awan ti kinapundo dagiti nadakamat nga alegasion kontra ken ni Duterte.
