LAOAG CITY – Umaboten iti 23 ti bilang dagiti natay gapu iti panagtudo ken panaglayus iti Thailand, basar iti otoridad.
Maipalagip a nakapasar ti mapata-patta a 320mm a tudo iti uneg ti tallo nga aldaw idi napalabasa lawas.
Segun ken ni Bangkok Governor Chadchart Sittipunt a namnamaenna a bumba ti danum kadagiti main roads iti dua nga aldaw kabayatan nga umabot ti makalawas kadagiti dadduma a lugar.
Basar iti Interior Ministry, umabot iti 23 ti bilang ti natay manipud Setiembre 16 iti intero a pagilian, pakairamanan ti 4 a natay iti Bangkok.
