LAOAG CITY – Umaboten iti 111 nga indibidual ti bilang ti natay kalpasan a timmama ti magnitude 7.4 a gingined iti laud a paset ti Columbia.
Adda ti 87 ti nasugatan kabayatan nga agtultuloy ti rescue operation kadagiti indibidual a posible a na-trap iti babaen dagiti narpuog a pasdek iti nagduduma a siudad.
Iti datos ti United States Geological Survey, addaan ti kauneg a 107 a kilometro ti gingined iti asideg ti San Jose del Palmar, siudad ti Chocó.
Narikna ti napigsa a panagdayyeg iti dadduma a dadakkel a siudad iti pakabuklan a pagilian.
Naammoan a daytoy ti kangrunaan a dakkel a krisis a sangsangoen ti baro nga administrasion ni Columbia President Abelaerdo De La Espriella, sumagmamano nga aldaw kalpasan daytoy a nagtugaw iti puesto.
Gapu iti daytoy, indeklarar ni De La Espriella ti national state of emergency ken kunana a nakasagana ti pakabuklan ti gobierno tapno mangisayangkat ti rescue operations ken mangipaay ti tulong kadagiti maseknan a komunidad.
Inbatadna a ti kangrunaan a prioridad ti administrasionna ket ti masalaknib dagiti indibidual a na-trap iti babaen dagiti narpuog a pasdek.
Kabayatanna, nagbalin nga ad-adda a sensitibo ti situasionda gapu ta baro pay laeng ti epekto ti napipigsa a gingined a timmama iti kabangibang a pagilian ti Valenzuela idi Hunio.
