LAOAG CITY – Umaboten iti sumurok-kumurang 390 nga indibidual ti nakumpiraran a natay, idinto a 1,400 met ti manarimaan a mabirbirok kalpasan ti nakaam-ames a panagreggaay ti yelo ken bato a nangitunda ti nakaro a panaglayus idiay Nepal ken rehiyon ti Tibet idiay Tsina.
Segun kadagiti otoridad, saan a bumaba iti 389 ti natay idiay Nepal bayat a 3 met ti pimmusay idiay Tibet.
Mainaig iti daytoy, karaman kadagiti mapukpukaw dagiti ginasot a lokal a residente ken kadagiti turista manipud iti India, United States, United Kingdom, Canada, Australia ken China.
Iti baet daytoy, nagbalin a dakkel a peggad iti gobierno ti Nepal ti panangisayangkat ti search and rescue operations gapu kadagiti nadadael a kalsada ken rangtay ita kabanbantyan ti rehiyon.
Gapu iti daytoy, nagusaren dagiti rescue teams ti helicopter tapno mangitennag ti makan, agas ken tolda pakairamanan payen para iti panang-rescue kadagiti nasugatan a biktima.
Kabayatanna, basar kadagiti eksperto, ti nasao nga insidente ket gapu iti pangreggaay ti dadakkel a parte ti glacier ken bato iti Lhende River.
Nangipatulod met ti minilyon a dolyar nga emergency aid ken dadduma pay a tulong ti United Nations ken kadagiti dadduma pay a pagilian.
