LAOAG CITY – Umaboten iti sumurok 1,000 nga indibidual ti natay iti flash flood ken mudslide iti Nepal ken Tibet, basar iti otoridad kabayatan nga agtultuloy ti rescue operations kadagiti naibasaran nga isolated communities.
Basar iti kaudian a datos, saan a bumaba iti 1,10 ti confirmed dead iti Nepal no sadinno 3,916 ti mapukpukaw kabayatan a kinumpirma ti China nga 16 ti natay ken 546 ti mapukpukaw iti biangda.
Mailapagip a nagrugi ti insidente idi napalabas a lawas kalpasan ti glacial collapse iti Himalayas a nangitunda ti panagdalluyon ti dakkel a volume ti yelo, bato ken danum ti layus nga agturong kadagiti valley.
Iti briefing ti Foreign Ministry ti Nepal, inbatad ti pannakangiwat iti daytoy a malaksid iti ngumatngato a bilang dagiti natay ken mapatta-patta a 4,000 ti mapukpukaw, umaboten iti 11,800 nga indibidual ti balligi a na-rescue.
Mainaig iti daytoy, mangipatulod ti China ken Singapore dagiti forensic experts, kanayonan a DNA kits ken freezers tapno makatulong a tukoyen dagiti bagbagi dagiti biktima.
Inpakaammo ti Nepal Army a 23 nga indibidual ti na-rescue usar ti aerial assets kabayatan a nangiyuswat ti joint search operations iti kauneg a 50 agingga 200 a metro iti uneg ti tallo a hydropower plants.
Kabayatan, nagorganisar ti memorial services dagiti emergency workers ken residente iti Tibet ken nangipatulod ti Chinese government ti relief supplies pakairamanan dagiti dron e ken water purification system kadagiti naapektaran a lugar iti Nepal border.
