LAOAG CITY – Nagbakwit dagiti residente iti Budhi Gandaki river idiay central Nepal kalpasan ti panagragasa ti nakaro a layus a nangdadael kadagiti pagtaengan ken dagiti dadduma pay nga imprastraktura iti lugar.
Mainaig iti daytoy, binalakadan ti National Disaster Risk Reduction and Management Authority dagiti nabatbati pay a residente a nagkedked nga agbakwit nga umakar iti nataltalged a lugar.
Gapu iti daytoy, agtultuloy ti panangdeterminar ti disaster management agency iti rason ti kellaat a panagragasa ti danum idiay Budhi Gandaki river.
Kabayatanna, daytoyen ti maika-dua a daras a nakapasar ti nasao a pagilian ti kapada met laeng nga insidente kalpasan ti nakaro a layus a napasaran ti Nepal iti kabanbantayan a paset ti Nepal-China border idi laeng kallabes a nangitunda ti pannakatay ti sumurok 1,400 nga indibidual ken ginasut a mapukpukaw.
