LAOAG CITY – Indeklarar ni Nepal Prime Minister Balendra Sha nga ipatungpal ti National Day of Morning iti Setiembre 7, daytoy ket ti maika-13 nga aldaw kalpasan ti nadangran a layus a timmama iti Nepal-Tibet border idi Agosto.
Basar iti Hindi Tradition a ti maika-13 nga aldaw ti panagleppas ti mourning period. Ti pammati ken tradision ket serimonia a naawagan a ‘Shradda’ no sadinno daytoy ket marka ti maudi a ritual tapno mawayawayaan ti kararua dagiti pimmusay iti lubong.
Naamoan nga umaboten iti 1,259 ti biliang dagiti natay ti Nepal flash floods, basar iti National Disaster Risk Reduction and Management Authority ti Nepal.
Mainaig iti daytoy, mapatta-patta nga 95 pay laeng ti naammoan ti identidad ken naisublin iti bukod a pamilia.
Nupay kasta, 4,216 nga indibidual ti agtultuloy a sarsarken agingga iti agdama kabayatan nga 7,500 a pagtaengan ti nadadael kalpasan ti trahedia.
