LAOAG CITY – Balligi ti naiwayat a search operation ti Philippine National Police iti ciudad ti Batac.
Segun kenni Police Lt. Col. Gerome Wangkey, chief of police iti nasao a ciudad, ti subject iti operasyon ket agtawen ti 27, addaan ti live-in partner ken residente iti Barangay Palongpong.
Inbatad na nga inserbi da ti warrant of arrest nga inparuk-at ni Judge Maria Corazon Labrador, Executive Judge ti Regional Trial Court Branch 28 iti ciudad ti Batac gapo iti panaglabsing ti suspek iti Republic Act 10591.
Nailanad iti warrant of arrest a ti biruken dagiti otoridad ket kalibre 45 a paltog ken balbala.
Inlawlawag ni Wangkey nga iti operasyon da ket nakita da iti pagtaengan ti subject ti maysa a kalibre 38 a paltog nga addaan ti bala, kasta met ti bala ti 9MM pistol ken bala ti 5.56 pistol ken maysa a magazine.
Kunana a malaksid iti daytoy ket adda pay ti nakumpiskar dagiti otoridad ti glass tube tooter.
Naamoan a kabayatan ti operasyon ket maipagarop nga inpurwak ti suspek nagyanan ti magazine ken paraphernarlia.
Kabayatanna, maisagsagana metten dagiti dokumento para iti pannakaipila ti kaso kontra iti daytoy.
