LAOAG CITY – Maitantan ti pannakaisayangkat ti Miss Ilocos Norte gapu iti mapaspasaran nga oil crisis ditoy pagilian.
Segun ken ni Mrs. Mary Jane Leaño, Officer In Charge ti City Tourism Office ditoy siudad ti Laoag, daytoy ket kas ti pammilin met laeng kadakuada ti Provincial Tourism Office.
Inlawlawagna a saan a kayatna a saoen a makanselar ti pannakaisayangkat ti aktibidad no diket mangkitada ti sabali nga aldaw a maiyannatop para iti daytoy.
Inbatadna a ti Miss Ilocos Norte ket adda ti napintas nga standard isu a saan a mabalin nga ag-downgrade daytoy.
Inpanamnamana nga iti kabiitan a panawen ket maisayangkat daytoy ken mausar dagiti sumarsaruno nga aldaw tapno isagana ti naindaklan a beauty pageant.
