LAOAG CITY – Narekobre ti maysa a 38 caliber revolver iti Sagpatan Elementary School iti Barangay 22, San Cristobal, Sarrat, Ilocos Norte.
Kinumpirmaran ni Police Chief Inspector Roldan Suitos, ti chief of police iti ili a Sarrat, narekobre da ti nasao a paltog iti uneg ti compound ti pagadalan kangrunaan na ti playground na.
Inbatad na a daanen ti paltog ken mabalin nga inbelleng laeng ti agtagikua gapu ta mabalin a saan nan a kasapulan.
Nupay kasta, kuna ni Suitos nga uray daanen ti nasao a paltog ket mabalin pay laeng a mausar.
Inlawlawag na nga ipadalan da latta iti ballistic wenno cross matching ti paltog tapno maamoan no daytoy ket nausar ti krimen.
