LAOAG CITY – Maragsakan dagiti nagduduma a pamilya a nangabak iti Search for Model Families 2019 ditoy ciudad ti Laoag.
Ti retirado a kameng ti AFP a ni M/Sgt. Hector Calumag ken ti asawa na a ni Mrs. Josephine Calumag iti Brgy. Lagui-Sail ditoy ciudad ti nakaala ti award a Model Family 2019 iti biang ti Professional Category.
Naiyalat met ni Mr. Billie Diego ken Mrs. Marivic Diego iti Brgy. 48-B, Cabungaan South ti first runner up ken second runner up met ti pamilya ni retirado a kameng ti 2Lt. George Binag ken Mrs. Jesusa Binag iti Brgy. San Pedro ditoy ciudad.
Mamati ni Calumag a naawat da ti pammadayaw gapo kadagiti sakripisyo da nangruna idi agbasbasa pay laeng dagiti tallo nga annak na.
Kabayatanna, nagbalin met a Model Family 2019, Non-professional catregory da Mr. Alberto Guillermo ken Mrs. Rosing Guillermo iti Barangay 22, San Andres; first runner up da Mr. Ruben Juan ken Mrs. Rosalinda Juan iti Barangay Madiladig ken ti second runner up ket da Mr. Antonio Manuel ken Mrs. Everlina Manuel iti Barangay San Lorenzo ditoy ciudad.
Iti biang ti solo parent category ket naala ni Mrs. Elvigia Badua iti Barangay 49-A, Darayday, first runner up ni Mrs. Erlinda Paligat iti Barangay Calayab ken ti second runner up ket ni Mrs. Emilia Alozo iti Barangay Cavit.
Naamoan a dagiti criteria para iti nasao a pammadayaw ket:
Self reliance. Adequate in Providing Basic Needs- 40 %
Health and sanitation – 35 %
Values and spirituality – 25 %
