LAOAG CITY – Mangnamnama ni Gov. Imee Marcos ken ti pamilya na a babaen ti maiyuswat a review ken recount iti election protest ni dati a Sen. Bongbong Marcos ket maadal ken mabilang ti butos ti kabsat na.
Immuna iti daytoy, manamnama a maiyuswat ti recount iti Camarines Sur intono Lunes, Marso 19 ita a tawen.
Daytoy ti nagbalin a kari kalpasan ti naunday a panawen a saan a panaggaraw ti nasao a protesta.
Segun kenni Marcos, ti ummuna kadagiti tallo a probinsya ket adda iti Presidential Electoral Tribunal (PET).
Mamati ti pamilya Marcos nga agtultuloyen ti panaggunay ti election protest kalpasan ti sumagmamano a pannakataktak na.
Kabayatanna, mangnamnama pay ti pamilya Marcos a sumtrsaruno met ti Iloilo ken Negros Oriental.
Innayon ti gobernador a tallo laeng daytoy a probinsya ken bassit laeng ti deperensya a butos a nakaabakan ti kabsat na.
