LAOAG CITY – gtultuloy ti panagado dagiti awanan ti pagtaengan na idiay Honolulu, Hawaii.
Segun ken ni Bombo International Correspondent Manny Pascua, nadismaya ni Mayor Kirk Caldwell gapu ta saan nga inaktuaran ti Honolulu Council ti lungalong na.
Daytoy ket ti pannakaideklara na nga illegal ti panagnaed dagiti nasao a tattao kadagiti igid ti kalsada ken pampubliko a lugar iti nasao nga isla.
Rumrumwar a saan a suportado ti mayorya ti konseho ti Honolulu ti nasao nga addang rason a naipakni daytoy.
Maipalagip a nabayagen a parikot daytoy ti gobyerno ti Honolulu kalpasan nga immado ti kaso dagiti panagtatakaw ken panagarang nangnangruna iti Waikiki a maysa kadagiti centro ti torismo ke awan dagiti naala ti serbisyo na a guwardiya.
