LAOAG CITY – Binabalaw ni Senator Sherwin Gatchalin ti panagado ti bilang dagiti menor de edad iti social media iti baet ti minimum wage requirement ti Facebook a masapul a saan abumaba ti 13 a tawen agpababa ti agusar, agtultuloy a maususar ti social media platform ti nangato a porsiento ti menor de edad a Pilipino.
Iti babaen ti datos ti Philippine Statistics Authority (PSA) kas pagibasaran, inpetteng ni Gatchalian nga 87.64% dagiti 12 ti tawenna a Filipino internet users nga addaan ti social media account-na bayat nga 80.76% met ti 11 ti tawenna ti agususar pay.
Mainaig iti daytoy, dagiti agtawen met ti 10 nga agurusar ti internet ket addaan ti 72.86% ti addaan ti social media account, kabayatanna nga umabot met ti 93.72% dagiti agtawen 13 ti agususar ti social media.
Immunan nga inpila ni Gatchalian ti Social Media Safety for Children Act (Senate Bill No. 2066) a gagemna ti panangipawil ti panagusar ti social media kadagiti menor de edad nga awan pay ti 16 ti tawenna.
Kabayatanna, inpila pay ni Gatchalian ti Electronic Gadget-Free Schools Act (Senate Bill No. 627) tapno ipawil ti smartphone ken nagduduma pay nga electronic devices no oras ti klase kadagiti public ken private schools.
