LAOAG CITY – Adda ti pakabuklan a 27 a residente ti nakaturpos ti Banana Chips Making Skills Training ti Department of Trade and Industry (DTI) idiay Camiling, Tarlac.
Naammoan a dagiti benepisiario ket miembro ti Rural Improvement Club ti Barangay Bancay 1st.
Segun ken ni Department of Trade and Industry OIC-Provincial Director Florencia Balilo, ti saba ket alisto laeng a maala iti lugarda.
Daytoy ket abot-kaya ket alisto pay nga isagana. Ti baro a panagadal daytoy, ket makaipaay kadakuada ti alternatibo a wagas para iti pamastrekanda.
Kabayatanna, paset ti aktibidad ti thrust ti ahensia tapno matulungan dagiti Tarlaqueño iti panangrugi, panagpadur-as ken panangpapigsa ti negosioda a mabalin a makapataod ti ad-adu pay nga oportunidad iti trabaho ken mangital-o kadagiti aktibidad ti ekonomia iti nasao a lugar.
