LAOAG CITY – Rimmuar iti survey ti Stratbase and Social Weather Stations (SWS) a 32 a porsiento kadagiti Pilipino ti nakarikna ti simmayaat ti kalidad ti panagbiagda maidasig iti napalabas a 12 a bulan a maaw-awagan a gainers idinto a 25 a porsiento wenno kimmaro daytoy.
Adda ti pakabuklan a 43 porsiento met ti nangibaga nga awan ti nagbaliw maidasig iti napalabas a maysa a tawen.
Naisayangkat ti survey iti kalidad ti panagbiag manipud idi Enero 17 agingga 20, 2025 babaen ti face-to-face interviews iti 1,800 registered voters iti intero a pagilian: 300 iti Metro Manila, 900 iti Balance Luzon wenno Luzon iti ruar ti Metro Manila, 300 iti Visayas ken 300 iti Mindanao.
