LAOAG CITY – Inyalud-od ti House Quad Committee (QuadComm) ti panagdengngeg ita nga aldaw, Nobyembre 13 iti nadara a giyera kontra illegal a droga iti baet ti agtultuloy a panagberipikar kadagiti testimonya dagiti testigo.
Segun kada Quad Committee chairmen Representives Robert Ace Barbers ti Surigao del Norte, Dan Fernandez ti Santa Rosa, Laguna, ken Benny Abante, ti desisyon a a maiyalud-od ket napagnunumoan da idi Lunes, Nobyembre 11.
Inbatad ni Barbers a naka-schedule ti sumaruno a panagdengngeg ti komite intono Nobyembre 21 ita a tawen.
Immuna iti daytoy, iti press conference iti Davao City iti napalabas a lawas, inbatad ni Duterte nga awan ti rumbeng nga ilawlawag na maipanggep iti drug war ti administrasyon na ken awan ti umdas a kwarta na tapno agturong iti Metro Manila para iti isasango na iti Quad Committee.
Nupay kasta, addan ti panangipasingked da Barbers nga ibaklay ti komite dagiti magastos ti dati a presidente, masigurado laeng nga agatendar iti panagdengngeg.
