LAOAG CITY – Inbatad ni Doctor Melvin Manuel, ti mangidadaulo iti Business Permit and Licensing Office (BPLO) iti gobierno ditoy ciudad ti Laoag nga agingga laengen intono Enero 20 ita a tawen ti panagawat da kadagiti mapan agirenew ti business permit na.
Nupay kasta, mabalin da nga i-extend daytoy no adda ti iparuk-at a resolusyon ti konseho ditoy ciudad ti Laoag.
Inlawlawag ni Manuel nga adon dagiti napan nagirenew ti negosyo na ken addan iti agarop 600 dagiti manarimaan nga ipros-proseso da idinto nga agarop 100 dagiti naikkan dan ti business permit ditoy ciudad ti Laoag.
Innayon na nga alisto laengen ti mangala ti business permit babaen ti tulong dagiti nagduduma a national agencies.
