LAOAG CITY – Inpaiman ti National Bureau of Investigation (NBI) iti Department of Justice (DOJ) ti desision no kanselaren ti pasaporte ni Senador Ronald “Bato” Dela Rosa.
Daytoy ket iti baet ti agtultuloy a panangbirok dagiti otoridad iti Senador ken dati nga hepe ti Philippine National Police a maibilang a pugante.
Inbatad ni National Bureau of Investigation Director Atty. Melvin Matibag, ti Department of Justice ti agdesision no kiddawenda nga ipakanselar ti pasaporte ni Dela Rosa.
Immunan nga inrakurak ti National Bureau of Investigation a mangiyisyuda metten ti subpoena kadagiti indibidual a naudi a nakasarita ni Bato pakairamanan ti asawana.
Kabayatanna, paayaban ti Justice Department ti sumagmamano a miembro ti media para sa kanilangpara iti imbestigasionda iti insidente ti pammaltog iti Senado idi Mayo 13.
Kuna ni Department of Justice Spokesperson Atty. Polo Martinez, daytoy ket tapno maammoan no makatulong iti fact finding investigation ti nakita dagiti agirakrakurak nga adda iti Senado idi napasamak ti insidente.
