LAOAG CITY – Pinaigetan ti treasury office ditoy ciudad ti Laoag ti panagkolektarda ti business tax, fees ken charges.
Daytoy ti inbatad ni Mr. diomedes Gayban, OIC iti treasury office ditoy ciudad.
Kunana a linnawas nga agsursur dagiti collection force kadagiti business establishments tapnu mangipatulod ti demand letters.
Maragsakan ni Gayban gapu ta makitada nga umad-adon dagiti agcomply.
Mangnamnama ni Gayban a ngumato pay ti agdama a collection da.
Segun kenkuana, manipod enero agingga ita a bolan ket nakakolektar dan ti P143.3 milyon a pisos.
Maipalagip nga iti napalabas a tawen ket umabot ti 143.5 milyon a pisos ti pakabuklan ti nakolektar da isut gapu na a mamati a minilyon pay ti mainayun ti koleksyon da ita a tawen.
