LAOAG CITY – Naan-anayen a na-ban ti panagkonsumo ti karne ti baka kadagiti pampubliko a lugar, pakairamanan dagiti restaurant ken aniaman a pasken idiay Adsam, India.
Daytoy a linteg ket paset ti panangpalawa iti immun-una a pagannurotan a nanglimitar iti panaglako iti karne ti baka iti sumagmamano a narelihiosuan a lugar a kas kadagiti templo.
Segun ken ni Chief Minister Himanta Biswa Sarma, naiget ti monitoring da maipapan iti daytoy.
Ngem nupay kasta, mabalin latta a gatangen ti karne kadagiti tiendaan ken kanen iti uneg dagiti pagtaengan wenno pribado nga establisimiento iti estado.
Maipalagip a ti panagsida ti karne ti baka ket sensitibo nga isyu idiay India, ta dagiti baka ket raraemen dagiti Hindu, a buklen ti 80% iti populasion itu nasai a pagilian.
