LAOAG CITY – Basar iti kaudian a datos manipud Philippine Statistics Authority (PSA), ti diabetes ti maysa kadagiti top 5 a kaso ti pannakatay iti pagilian. Uray pay adda dagiti advance a medical science ken treatment, agtultuloy ti panagngato daytoy.
Inbatad ni Dr. Augusto Litonjua, founder ken president of the Philippine Center for Diabetes Education Foundation, Inc., a ti healthcare ket nakapokus unay iti panangipaay ti komento ti panagngato ti blood sugar levels imbes kuma a ti pannakaliklik no kasano a mapababa daytoy.
Inrekomendar ti Doktor a napateg ti pannakakita dagit nangato ti risgona a maaddaanti diabetes uray no normal ti darada.
Dagitoy ket pakairamanan dagiti indibidual nga addaan ti obesity, babbai a naaddaanen ti gestational diabetes, ubbing nga ti inana ket addaan ti gestational diabetes, indibidual nga addaan hypertension, ken dagiti addaan ti family history.
Mainaig iti daytoy, segun ken ken ni Dr. Elain Cunanan president ti Philippine College of Endocrinology, Diabetes, and Metabolism, a masapul a masursurwan dagiti ubbing iti pannangan ti nasustansia, regular a panag-ehersisio, ken maaddaan ti umdas a turog uray no ubbing pay laeng dagitoy.
Kunana pay a dakkel a factor ti sedentary lifestyle iti panagado ti indibidual nga addaan ti diabetes no sadinno a daytoy ket mang-require ti agpada a medical guidance ken personal commitment.
