LAOAG CITY – Inrakurak ti Commission on Elections (Comelec) nga adda ti panagngato iti kinaranggas nga adda ti pakainaiganna iti eleksion iti Bangsamoro Autonomous Region in Muslim Mindanao (BARMM).
Kangrunaan a dinakamat ni Commission on Elections Chairman George Garcia a naaddaan ti panagngato iti kinaranggas iti rehion nangruna iti Maguindanao ken Cotabato iti baet ti pannakasuspenso ti Bangsamoro election.
Idi Lunes, Pebrero 24, nasugatan ni Datu Piang, Maguindanao del Sur Vice Mayor Datu Omar Samama nga agkalikagum a maminsan manen a maelektaran kalpasan a pinaltogan isuna iti maysa a programa iti Barangay Magaslong.
Iti agdama, adda ti 38 nga areas of concern iti babaen ti red category wenno dagiti addaan ti seryoso nga armado a pangta ken adda dagiti pakasaritaan mainaig kadagiti insidente nga adda ti pakainaiganna iti eleksion.
Mangnamnama ni Garcia nga awan ti maipan iti Commission on Elections control iti aniaman nga oras.
