LAOAG CITY – Inbatad ni Atty. Ana Minelle Maningding, ti Legal Officer iti National Telecommunication Company (NTC) iti rehiyon Uno a masapol nga agderetso iti mismo a website ti Telecommunication, depende iti network nga us-usaren iti panagparehistro ti sim card.
Rakurak daytoy ni Atty. Maningding iti panangrugin ti panagparehistro ti Sim card.
Inlawlawag ni Maningding a no makapan iti website ket adda dagiti maibaga nga impormasyon a rumbeng nga ikabil kas ti nagan, tawen, address ken mangisumitir ti Identification Card (ID).
Innayon na a tapno masigurado a ti nagrehistro ti akinbagi iti sim card ket masapol nga agselfie iggem iti Identification Car.
Nagpalagip ni Atty. Maningding nga adda ti 180 nga aldaw a maited a pawayway para iti panagparehistro iti sim card.
Inpetteng na a no saan a mairehistro ti sim card kalpasan ti 180 nga aldaw ket otomatiko a madeactivate.
Kabayatanna, kuna ni Maningding a saan a malimitaran ti usaren a sim card basta mairehistro amin dagitoy.
Kuna na pay a dagiti menor de edad nga addaan ti cellphone ket masapol a dagiti nagannak da ti agparehistro.
Inpalgak pay ni Atty. Maningding a no agsukat ti apilyedo gapu ta nagasawa wenno nagkasar ket masapol nga impormaran ti maseknan nga opisina.
