LAOAG CITY – Ad-adda pay a napaigetan ti panagsanay dagiti atleta ditoy ciudad ti Laoag para iti Region 1 Athletic Association Meet.
Segun kenni Mr. Hipolito Salva, ti mangidadaulo ti City Sports and Development office ditoy ciudad, saan laengen nga half day ti panagsanay da no di ket maysa nga aldawen.
Inbatad na nga ita a bola ket adda laeng ti pannakabalbaliw ti schedule ti panagsanay gapu iti kinabara ti panawen.
Kunana a mangrugi ti panagsanay dagiti agleta iti oras iti alas-5 ti bigat agingga iti alas-9 ti bigat ken maituloy iti oras ti alas-3 ti malem aginnga iti alas-7 ti rabii.
Inpakaammo pay ni Salva adda dagiti bitamina nga ipapaay da kadagiti atleta tapno saan da nga alisto a makaptan iti sakit kangrunaan na ita a panawen ti kalgaw .
Kabayatanna, agtalek ni Salva a magun-od manen iti Schools Division ditoy ciudad ti Laoag iti back to back champion gapu ta makitana iti dakkel a suporta dagiti nagannak, coaches, trainors, kangrunaan ni Mayor James Bryan Alcid.
