LAOAG CITY – Nangrugin ti panagsanay dagiti atleta ditoy siudad ti Laoag para iti mapaspasangasangan a Region 1 Athletic Association Meet.
Segun ken ni Mr. Hipolito Salva, mangidadaulo ti City Sports and Development Office ditoy siudad ti Laoag, nangrugi a nagsanay dagiti atleta idi Disiembre 8 ken agdama a naka-in house kadagiti nagduduma a pagadalan ditoy siudad.
Inbatadna a naiget ti panagmonitorda kadagitoy kaduana ni Mayor James Bryan Alcid tapno magun-odda manen ti back to back champion ti Schools Dvision ditoy siudad ti Laoag.
Inlawlawagna nga adda ti 592 nga atleta ti makibinnalubal kadagiti nagduduma nga sports kas ti combative sports pakairaman iti boxing, wrestling, wushu, weight lifting ken dagiti regular sports.
Kunana nga agtultuloy ti suporta ti lokal a gobierno ditoy siudad ti Laoag kadagiti amin a masapul dagiti umaayam kangrunaanna iti pannaka-hire ti 40 national trainers.
Innayonna a maisayangkat ti Region 1 Athletic Association Meet inton Abril 9 agingga iti 11 idiay Candon City, Ilocos Sur.
